Контакты:
(71)236-11-57
(71)232-14-39
» » » Талабалар ва ўқувчилар учун қишки таътил кунлари белгиланди

Талабалар ва ўқувчилар учун қишки таътил кунлари белгиланди

05 декабрь 2019, Четверг
251
0

Олий таълим муассасалари талабалари ва академик лицей ҳамда профессионал таълим муассасалари ўқувчиларига 2019-2020 ўқув йили қишки таътил даври 2019 йил 20 декабрдан 2020 йил 6 январгача этиб белгиланди.

2019 йилнинг 22 декабрида Ўзбекистон Республикаси Олий Мажлиси, халқ депутатлари вилоят, туман ва шаҳар Кенгашларига умумхалқ сайловлари ўтказилиши муносабати билан талабалар ва ўқувчиларнинг ўзи доимий рўйхатдан ўтган яшаш жойида овоз беришлари учун қишки таътил муддати ўзгартирилди.

Бу ҳақда тегишли қарор Ўзбекистон Республикаси Бош вазири ўринбосари раислигида бўлиб ўтган йиғилишда қабул қилинди.

Қорақалпоғистон Республикаси ва вилоятларга кетадиган талаба ва ўқувчиларнинг қишки таътил пайтида доимий яшаш жойларига бориб-келишлари учун қулайликлар яратиш мақсадида жорий йилнинг 16 декабридан 22 декабрь кунига қадар ҳамда 28 декабрь кунидан 2020 йилнинг 6 январига қадар 50 % асосида йўл чипталари сотувини йўлга қўйилади.

Талабалар ва ўқувчилар бугундан имтиёзли йил чипталарини харид қилишлари мумкин.

“Ўзбекистон темир йўллари” АЖ, “Uzbekistan airways” АЖ, Транспорт вазирлиги томонидан

талаба ва ўқувчилар учун қўшимча жойлар сони кўпайтирилади;

уч кун муддатда олий таълим муассасалари раҳбарияти томонидан тавсия этилган жойларда сайёр кассалар ташкил этилади.

Қишки таътил давомида ОТМлар, академик лицей ва касб-ҳунар коллежларида мавжуд бўлган барча тўгараклар, спорт-соғломлаштириш бўлимлари, секциялари ва клублари тўлиқ фаолият кўрсатади.

2020 йил 6 январь - душанба ўқишнинг биринчи куни этиб белгиланди.



Манба: Олий ва ўрта махсус таълим вазирлигининг расмий телеграм канали edu.uz

скачать dle 12.0
Полезные ссылки