Счетчики

      Avtomobil yo'llari qurilishi sohasida yuqori malakali mutahassislar tayyorlash tizimini yanada takomillashtirish va shuning asosida O'zbekiston milliy avtomagistralini, umumrespublika va mahalliy ahamiyatdagi avtomobil yo'llarini istiqbolda rivojlantirish loyihalarini amalga oshirish talablari hamda vazifalarini hisobga olgan holda respublikaning loyiha, qurilish va eksplutaciya qilish tashkilotlarining yuqori malakali muhandis kadrlarga nisbatan ortib borayotgan talab-ehtiyojlarini ta'minlash maqsadida, O'zbekiston Respublikasi Prezidentining 2016 yil 26 avgustdagi "Avtomobil yo'llarini loyihalash, qurish va ekspluatatsiyasi sohasida kadrlar tayyorlashni takomillashtirish chora-tadbirlari to'g`risida”gi PQ-2580-son qarori va Oliy va o'rta mahsus ta'lim Vazirligining 2016 yil 29 avgustdagi 362-son buyrug`iga asosan Toshkent avtomobil-yo'llar instituti Toshkent avtomobil yo'llarini loyihalash, qurish va ekspluatatsiyasi instituti sifatida qayta tashkil etildi.

      Toshkent avtomobil yo'llarini loyihalash, qurish va ekspluatatsiyasi instituti davlat oliy ta'lim muassasasi hisoblanib, oliy ta'limning asosiy va qo'shimcha ta'lim Dasturlarini bajarish bo'yicha ta'lim faoliyati bilan shug`ullanadi, shuningdek, O'zbekiston Respublikasining qonun hujjatlariga muvofiq o'quv-pedagogik va ilmiy-metodik, shuningdek boshqa faoliyatni amalga oshiradi hamda ta'lim hizmatlarini ko'rsatadi.

O‘quv mashg‘ulotlarida zamonaviy texnik o‘quv vositalari – kompyuter sinflari, elektron doska, teleko‘rsatuv, lingafon xonalaridan keng foydalanilmoqda, yangi pedagogik texnologiyalar joriy etilmoqda.

      Talabalarni amaliyotga tayyorlash ishlari o‘quv jarayonini real ishlab chiqarish bilan bog‘liq holda takomillashtirib borilmoqda. Ko‘plab talabalar kafedraning ilmiy-tadqiqot ishlarida, loyiha-konstruktorlik byurolarida faol ishtirok etmoqdalar.

Institutda iqtidorli yoshlarni qo‘llab-quvvatlash va ularni rag‘batlantirishga alohida e’tibor qaratilgan. Yuqori ko‘rsatkichlar bilan o‘qiyotgan talabalar Prezident va mashhur olimlarimiz Beruniy, Ulug‘bek nomlari bilan ataladigan stipendiya bo‘yicha Respublika tanlovlarida qatnashib kelmoqdalar va sovrinli o‘rinlarni egallamoqdalar.

      Institut qoshida akademik litsey, tayyorlov va tarmoq mutaxassislarining malakasini oshirish kurslari faoliyat ko‘rsatmoqda.

Institut tashkil topganidan buyon o‘tgan davr mobaynida 40 mingdan ortiq yuqori malakali mutaxassislar tayyorlagan. Ular O‘zbekiston respublikasi xalq xo‘jaligining turli ishlab chiqarish tarmoqlarida, ilmiy-tekshirish, loyiha institutlarida, kasb-hunar kollejlarida va oliy o‘quv yurtlarida mehnat qilmoqdalar. Bitirganlar orasida ko‘plab davlat arboblari, soha yetakchilari va yirik ishlab chiqarish korxona rahbarlari, harbiy rahbarlar, olimlar, viloyat, shahar, tuman hokimlari bor.

 


 

Institut rivojiga o‘zining munosib hissasini qo‘shgan hurmatli rahbarlar:

 

  Mutalibov A.A. – Institutning birinchi rektori (1972 – 1985y.). O‘zbekistonda xizmat ko‘rsatgan fan
arbobi, professor. Institutni, fakultetlarni va kafedralarni tashkil qilishda, institutning yangi binosini loyihalab, uni shahar markazida qurishga jonbozlik ko‘rsatgan shaxs. Institutning tashqi aloqalarini kengaytirishga, rivojlanayotgan chet mamlakatlar uchun mutaxassislar tayyorlashga ahamiyat bergan.
 
 

 

  Po‘latov S.P. – Institutning ikkinchi rektori (1985 – 1994y.). O‘zbekistonda xizmat ko‘rsatgan fan arbobi, professor. O‘qish jarayonini takomillashtirish, mutaxassislar tayyorlashni xalq xo‘jaligi talablariga qarab rejalashtirish, talabalarni yashash sharoitlarini yaxshilash, tarbiya ishlarini yanada chuqurlashtirish, o‘quv javrida topshiriladigan imtihonlarni test sistemasiga o‘tkazish yo‘lida jonbozlik ko‘rsatgan.

 
 
 
 
   Qodirov S.M. – Institutning uchinchi rektori (1995 – 2005y.). O‘zbekistonda xizmat ko‘rsatgan fan arbobi, professor. Bozor iqtisodiyoti sharoitida talaba va pedagoglarni ijtimoiy himoyalash ustida, xorijiy davlatlarning turdosh oliy o‘quv yurtlari bilan aloqani mustahkamlash sohasida, institut faoliyatida iqtidorli talabalar bilan ishlashni takomillashtirish ustida mehnat qilgan.
 

 

 
 
 Muhitdinov A.A. - Institutning to'rtinchi rektori (2005-2008 y.).

 
 
 
 


 
  
 Ikramov Murat Akramovich - Institutning beshinchi rektori    (2008 yil-2013 yillar).
 
 

 
   
 
 
  Aripdjanov Madaminjon Maripovich - Institutning oltinchi rektori (2013 yildan 2016 yilgacha)
 

 

 

   
 
 
  Riskulov Alimjon Axmadjanovich – Institutning yettinchi rektori (2016 yildan xozirgi kungacha)
 

 

Подробна
  • Просмотрена: 15134