• RSS
  • Карта сайта
  • Контакты

Toshkent avtomobil yo`llarini loyihalash, qurish va ekspluatatsiyasi instituti rasmiy veb sayti

Xisoblagichlar
“Меxнат соxасидаги асосий принциплар ва нормаларга риоя этиш масалалари”

"Меҳнат соҳасидаги асосий принциплар ва нормаларга риоя этиш масалалари”

 

“Меxнат соxасидаги асосий принциплар ва нормаларга риоя этиш масалалари”Тошкент автомобиль йўлларини лойиҳалаш, қуриш ва эксплуатацияси институтида жорий йил 24 апрель куни Ўзбекистон Республикаси Олий ва ўрта махсус таълим вазирининг 2017 йил 16 октябрдаги "Ўзбекистон Республикаси Олий мажлиси Сенатининг 2017 йил 4 октябрдаги СҚ-231-III-сон қарори ижросини таъминлаш тўғрисида”ги 764-сонли буйруғининг 3-банди ҳамда иловадаги назорат режасининг 6-бандида "Меҳнат сохасидаги асосий принциплар ва нормаларга риоя этиш масалалари юзасидан олий таълим муассасалари талабалари учун семинарлар ўтказиш” белгиланганлигини инобатга олиб, институтда Тошкент шаҳар Адлия бошқармаси масъул ходими А.Бердиев, Миробод тумани аҳолига бандликка кўмаклашиш маркази юристи С.Қувватов иштирокида "Меҳнат сохасидаги асосий принциплар ва нормаларга риоя этиш масалалари” мавзуси юзасидандавра суҳбати ташкил этилди.

"Маънавият ва маърифат” ва иқтидорли ёшлар билан ишлаш бўлими бошлиғи Ш.Мирзамўминов тадбирни кириш сўзи билан очиб, тадбирдан кўзланган асосий мақсад юзасидан тушунча берди

Маърузачи Тошкент шаҳар Адлия бошқармаси масъул ходими А.Бердиев ўз нутқида меҳнат принципларига изоҳ бериб, жумладан, меҳнат принциплари қонунлар билан мустаҳкамланган, меҳнат хуқуқи соҳсидаги давлат сиёсатини ифодаловчи асосий ғоялар, рахбарий қоидалар тушунилиши, Бундан ташқари меҳнат ҳуқуқининг асосий принциплари Ўзбекистон Республикасининг Конституцияси ва ҳуқуқнинг шу соҳасига оид муҳим норматив-ҳуқуқий ҳужжатларда мустаҳкамлаб қўйилганлиги, ҳар бир шахс ўз манфаатлари ва эркинликларига асосланиб, қайси фаолият билан шуғулланиш ва қандай касб танлашни ўзи ҳал этиши, ҳар бир инсон меҳнат қилиш, иш турини ўз эрки билан танлаб олиш, меҳнатнинг адолатли ва қулай шароитларида фаолият кўрсатиш ҳамда ишсизликдан муҳофаза этилиш, шунингдек бирор камситишсиз меҳнатига яраша ҳақ олиш ҳуқуқларига эгалиги юзасидан маълумотлар берди.

“Меxнат соxасидаги асосий принциплар ва нормаларга риоя этиш масалалари” 

 

Институт катта юрисконсульти М.Хасанов маърузасида меҳнат муносабатларига киришишнинг эркинлиги, ихтиёрийлиги ва мажбурий меҳнатга йўл қўйилмаслиги, фуқароларнинг ўз жисмоний ва ақлий имкониятларидан фойдаланиш чоғида мутлақо мустақил ва эркин эканликлари, иш кучининг товар эканлиги, унинг баҳоси меҳнат бозоридаги талаб ва таклифларга кўра белгиланиши, давлатнинг меҳнат бозори шаклланиши ва фаолият юритишига кўмаклашиши, ишсизликдан ҳимояланишнинг кафолатланиши, минимал меҳнат шароитлар яратилишини таъминлаш барча мулкчилик шаклидаги корхоналар учун мажбурийлиги, меҳнат интизомига амал қилишнинг зарурлиги, ходимлар ва иш берувчилар вакиллигининг мавжудлиги ва можароларнинг музокаралар йўли билан ҳал этилиши, хотин-қизлар, ёшлар, ногиронлар меҳнатининг махсус муҳофазаэтилиши, уларга қўшимча кафолатлар берилиши кабилар юзасидан тўҳталиб ўтди.

Бозор муносабатларига ўтиш шароитида турли мулкчилик шаклидаги корхона ва ташкилотларда ишлаётган ходимларнинг меҳнатга оид ҳуқуқларни ҳимоя қилиш, айрим иш берувчиларнинг йўл қўйиши мумкин бўлган ўзбошимчаликлари, қонунбузарликларни бартараф этиш, шу жумладан баъзи ходимларнинг ўз ҳуқуқларини суиистеъмол қилишларига йўл қўймаслик меҳнат муносабатларида қонунчилик ва адолатни таъминлашда муҳим ахамиятга эга эканлиги юзасидан фикрлар билдирди.

Тадбир давомида талабалар томонидан берилган меҳнат фаолияти билан боғлиқ бўлган саволларга маърузачилар томонидан батафсил жавоблар берилди.

 

Подробнее
  • Ko'rib chiqildi: 269
  • chob etish

Sayt 2017-yil " ATM " bo'limi tomonidan yaratildi.